In a Fruitful Life

災難嘅一日...

先有自己嘅一個錯誤決定: 放棄今日睇1pm場Lunacy, 結果...排唔到4:15pm場 No Sweat..講真我無諗過咁多人會走去睇No Sweat, 點知真係錯哂, 原來好多人walk in買飛入場, 最後大約有多過20個人無得入場, 我係其中一個..唉

條No Sweat隊喺415pm一哄而散...去排第二條隊, 一問之下, 原來佢哋已經開始排6點打後嘅戲!  打算6點睇The Lost Hum同9點睇Opera Jawa嘅我, 當然唔執輸排埋一份.  企咗個半鐘(免費pass嘅代價), 攞到要攞嘅飛, 睇今日嘅第一套戲: 日本嘅The Lost Hum

其實佢個劇情就好似’親切的金子’後半段咁, 一個女仔綁起咗殺死佢家姐嘅男人, 困佢去一個地方, 然後喺網上邀請一班人嚟做判官(呢part就同金子唔同).  個劇情幾特別, 所以我走咗去睇... 結果, 呢個係我今日第二個錯誤選擇!  劇本太弱, 就算個director想表達啲咩, 可惜, 佢表達唔到/或表達得好差, 好失望!  成套戲可以好啲, 耐何佢浪費咗好多時間喺一啲無關重要嘅場面, 最深刻係其中一幕, 歷時10分鐘以上, 但cut咗佢會好十倍, 因為佢只係影住三個人由一度行到去目的地..大佬, 套戲個半鐘, 你用10分鐘嚟拍3個人行路! 到目的地時我後面有人嘆氣’Finally there!’  一路睇呢套戲, 一路有人走, 如果我唔係仲有下一場要睇, 我諗我都可能走鬼咗!  好想講吓呢套戲嘅內容, 因為我真係唔recommand人睇(sorry導演..), 但諗諗吓, 唔, 呢套戲個plot實在太爛, 我講唔出, 都係算把啦.  Rating: 3/10

回一回氣, 睇第二套: Indonesia 嘅 Opera Jawa

即係咁, 睇之前check過吓review, 唔錯, 劇情又幾ok, 所以走去睇.  點知, 原來我睇漏咗: 呢一套係一套MUSICAL, 係一套印尼嘅musical, 之前未接觸過任何印尼音樂/舞蹈, 我覺得印尼嘅舞蹈同音樂就好似contemporary dance咁, 好abstract, 亦因為咁, 呢套戲基本上成套都好abstract.  始終印尼舞同音樂都唔係我杯茶, 所以..其實套戲對我嚟講係幾悶, 不過就算我幾唔識欣賞佢哋嘅歌舞都好, 我都仲可以睇得出戲中每個演員都好好戲. 不過係唔明點解, 個’第三者’竟然由一個貌似8兩金嘅哥仔嚟做, 仲要做到佢吸引到女主角..erm, 真係牽強咗少少, 但可能係為咗突顯女主角都有少少貪圖8兩金哥仔嘅身家而搭上佢咁..啩!  睇呢套戲其實真係好depends on個人好唔好舞蹈, 尢其係印尼嘅. 一路睇一路有人頂唔住走咗, 但完場亦有人拍手讚好.  我就...睇一次就夠, 見識到唔係所有musical都啱我囉!  Rating: 6.3/10

係時候咋咋臨去瞓, 今日實在太滿足唔到我(多得Lost Hum唔少), 希望唔會再有’the worst movie I watch’, 明天會更好啦!

今年嘅VIFF開始喇~ 如無意外, 呢一年應該係我短期內最後一次去VIFF, 下年可能就係去HKIFF咯~

今年同往年最唔同嘅地方係, 今年我係VIFF嘅volunteer, 要幫手, 但有個pass..真係咩都補番哂~ 既然唔洗錢, 我決定~~~~ 今年有咁多戲睇咁多戲~~~ reivew就算喇, 寫到就寫, 寫唔到就預咗先

今日係film fest第二日, 原本第一日都有戲想睇, 不過當晚要睇Madeleine Peyroux concert, 所以就無去睇戲; 今日呢, 本來有4套戲plan住要睇, 之但係睇完第二套之後頭好痛, 可能係因為俾坐我隔離個女人嘅(臭)香水焗親..真係攞我命, 我未聞過咁俗嘅香水, 仲要坐足兩個鐘, 好彩無暈低.  睇完第二套戲後走返屋企諗住瞓兩個鐘多啲跟住睇第三&四套戲, 不過可能實在太攰, 噙晚瞓得太少, 所以...一瞓就瞓到9點, miss哂兩場! 好彩過幾日都有得做, 其實我又唔洗咁急第一日睇就睇四套..嘻嘻, 係貪心咗啲:P

講番今日睇嘅兩套戲, 第一套係德國嘅The Lives of Others (Das Leben der Anderen),

故事內容喺呢度: The Lives of Others, 好好睇嘅一套戲, plot同演員演技都好出色, 尢其係主角Ulrich Mühe, 佢唔單止個樣似Kevin Spacey, 演技都同佢有得揮.  睇之前無諗過呢套戲咁好, 完場時差唔多個個都拍哂手, 仲聽到場入面好多人都係講緊德文, 一時間好似走咗寺德國 呢套戲俾Berlin 同 Cannes Film Festivals rejected咗, 9成9都係因為題材太過政治敏感; 基本上, 我覺得戲入面嘅情節, 喺中國/美國, 都有發生嘅, 但始終好難想像一個國家大部份人民都係24小時俾政府監視住, 基本上政府比你自己更清楚你自己, 一諗到自己都有機會喺呢種環境下生活, 背脊涼咗一截...

講番套戲, 雖然The Lives of Others係政治題材嘅戲, 不過亦好似review咁形容, 佢係一套thriller, political thriller.  137分鐘無冷場, 我好開心第一套睇嘅viff戲就有咁高水準. Rating: 8.8/10

唔知係唔係個bar set得太高, 第二套戲呢,

Switzerland嘅Vitus就有少少失望, 雖然套戲都唔差, 兩個童做得好好(雖然我比較鍾意戲份較少嗰位6歲演員), 個爺爺角色Bruno Ganz更加係演得好好, 但我覺得失望嘅係佢個結局, 俾我感覺係..有啲夾硬嚟, 好似只係企喺Vitus父母度幫佢哋set咗個happy ending, 而成套戲入面一路令Vitus困擾嘅, 由戲後段就已經提都無提, 眨吓眼Vitus已經無啦啦解決咗, 總之r頭.  不過咁講, 唔講結局, 套戲都值得一睇嘅, 起碼一定唔會悶; 更有可能係好多人都鍾意個結局都未定(因為係happy ending), 只係我唔滿意啦. Rating: 6.7/10

聽日如無意外係有四套戲要睇, 所以依家要瞓飽先~  zzz~