改咗機票3次, 噙日終於都飛嚟上海. 由於家姐喺度工作, 依家一番香港都會順便去埋上海, 某程度上, 上海已經變成我第3個家. 既然係第3個家, 呢次我就更加唔會亦唔洗去景點, 講真上海嘅景點真係無咩欣賞價值, 因為太過無受保護, 所有野都已經面目全非..如果你去過5年前嘅城隍廟同食家嘅城隍廟就知, 真係, 見一次’唉’一次, 我只可以講Starbucks真係無處不在...
中國嘅特點, 係標語奇多, 街上有, 牆身有, 室內有, 但係有無意思呢...唔...
例子1:
某的士內
留意標語
再睇睇個座位...
Seatbelt 呢? 應該喺哂櫈底 
all by FX7
erm….祝我好運啦!
P.S. 講開又講, 噙晚落機番完屋企出街食飯時見到一單恐怖意外, 係水泥車鏟上行人路重撞埋牆...我實在睇得太清楚..唉...只希望我見到嗰個傷者吉人天相.
屋企從來都係好重視父親母親節, 繼母親節時我哋幾個夾份送咗份6位數字嘅禮物俾我媽咪之後, 父親節又嚟..錢就應該無用得咁多, 之但係就比較複雜.
只係慶祝就已經要用3日, 17-19日.
喺上海工作嘅二姊要16號晚搭夜機嚟俾個surprise我爸爸, 由於爸爸怕人多, 所以出去食餐飯呢個節目就一定唔會喺正日做. 17號我哋就一齊去酒店食午飯, 18號大家就留喺屋企慶祝, 19號就出街食晚飯...其實好似日日都係食住慶祝 
除咗食, 我哋都有送份禮物俾爸爸, 份禮物就係一部Sony Ericsson電話, 當然價錢就同媽咪之前嗰份爭好遠, 但係我爸爸正正想買嘅係手提電話, 所以..物輕情義重嘛~~
其實..我爸爸重有野想買嘅..不過我暫時俾唔起, 因為係一架Benz..我哋都係決定呢份禮物就等媽咪買俾佢啦~~ 
Father’s Day’s Cake (好好食~~)
by FX7
番到香港都已經有半個月, 呢半個月呢, 基本上我係咩都無做過嘅.
始終我喺呢度嘅主要目的都係陪屋企人...番到嚟最大嘅貢獻可以話係買咗部電視機, 終於都可以同個sony變色電視講拜拜, 睇世界盃都分得出黃同紅牌
講開世界盃, 我一向都係好盲目咁捧巴西, 不過so far睇到家陣, 巴西好似仲未瞓醒, 相反有幾隊就越打越癲! 到依家為止我差不多係場場都有睇, 呢個月睇嚟都唔慌夠瞓, 要同熊貓認親認戚喇~~
過幾日去上海, 又係時候食食食食食~~~~~ 當然重有係買正正dvd啦! yeah~~
屋企部新嘅電視: Philips Cineos Flat TV With Pixel Plus 2 HD and Ambilight 2
由於依家正係世界盃時段, 買嘅時候仲有啲野送, 包括Philips 20" LCD TV (已經有人搶住要..
)
Get free blog up and running in minutes with Blogsome
Theme designed by Alex King
