In a Fruitful Life

上一次就話睇咗兩套戲, 雖然就遲咗少少, 但都係要講番第二套戲嘅.

我睇嘅第二套戲係’下妻物語’ (Kamikaze Girls), 由深田恭子同土屋安娜主演. 由於蕩失路, 我遲咗大約5分鐘先入埸, miss咗我諗有一兩句說話咁啦(遲啲有dvd我再話你知我miss咗幾多..). 好彩~都明白內容~~ Anyways. 最初其實我唔係好想去睇, 又可以話係唔大興趣, 因為我又唔係好鍾意深田恭子, 而佢個lolita扮相又比較恐怖, 真係冇諗過去睇; 直至睇到某forum 啲member 都讚呢套戲..又諗試吓冇壞..咁就去咗睇嘞. 呢套戲比我嘅感覺係..有少少 Kill Bill 同 有少少Water Boys, 即係卡通化+誇張+搞笑, 好嘅係佢又唔係太over, 算係恰到好處, 開開心心咁睇一個事實上係幾沉重嘅topic. 起碼離場嘅時候唔會好似睇完Nobody Knows咁個心’up’住’up’住(雖然都係好戲), 我仍然可以開開心心咁去join我個朋友食餐飯而又可以一邊食一邊講番套戲(上次睇完Nobody Knows..原全無哂胃口食野..) 講開又講, 其實我覺得唔係只係日本嘅青少年出現問題, 香港嘅青少年同樣地都有呢種問題..究竟發生咩事呢..諗諗吓又好唏噓..再諗吓, 其實..係青少年出現問題呢, 定係大人們接受唔倒新一代嘅諗法而單方面批評少年人呢..我都唔係好知, 我仲係一個好細路仔嘅成人..

講番電影. 原來, 深田恭子都真係幾有戲, 至起碼佢唔會好似有啲偶像明星咁對自己個樣太conscious..(不過我諗太conscious就做唔倒呢套戲嘅又..). 另外, 不得不提嘅係土屋安娜, 估唔到呢套係佢嘅debut, 正職係model嘅佢, 做呢個角色又做得好好, 我仲以為佢係一啲’演技派青年綠葉’添! 真係估佢唔倒. 聽聞佢閃電結婚(因為有咗), 令我更加覺得佢真係好Ichigo (佢戲入面角色個名), 可能佢只係做番佢自己都未定..

總括嚟講呢, 呢套戲我會recommend人去睇, 想諗野嘅又有得諗, 唔想諗野嘅又可當佢係純笑片嚟睇, 真係not bad 架..

Rating: 7.5/10

好攰好攰, 可能一直以嚟喺vancouver嘅生活太懶洋洋, 番嚟香港唔夠兩個星期,
出街連續多過3日就頂唔順, 成個人好冇力, 好想瞓..
就連今日去shopping都冇心機睇野, 行唔夠2個鐘就想番屋企訓覺..
可能’老’咗都係其中一個原因..哎唷!

入正題..

呢個星期睇咗2套戲.

星期二同朋友去睇War of the Worlds.
Comment呢?
爛.
劇情爛演技爛結局好爛.
唔再諗都或者仲好啲, 一回想起就覺得套戲唔掂.

有某戲迷喺某forum度提出過呢套戲嘅真深層意思,
之但係都改變唔到我覺得’呢套係爛片’嘅睇法.
始終, 都係嗰句, 要人明白深一層嘅寓意,
首先都要人明白/認同套戲嘅basic idea;
當個idea都唔make sense嘅時候, 咩further interpretation都唔洗諗喇.

呢套係繼Jumanji同The Panic Room之後另一套有勁多flaws嘅戲..
上年嘅兒戲/大美國式世界末日The Day After Tomorrow已經夠令人失望,
呢套..真係冇野講..下年嘅所謂暑期猛片呢,
我諗我都要降低吓expectation先去睇.
Rating: ....5.5/10 (比多喇!)

Will talk about the 2nd movie in the next update, gotta go to sleep now or else i won’t be able to wake up early to pla b.ball~~